GAHUNDA Y'ISUKU NO GUFATA NEZA IBIDUKIKIJE

ICYUMWERU CYAHARIWE KWITA KU ISUKU NO KUBUNGABUNGA  BIDUKIKIJE
Mu rwego rw’isuku no kubungabunga ibidukikije minisiteri zitandukanye: MININFRA, MINALOC, MINERENA, MINISANTE, MINADEF, MININTER na MINAGRI zateguye igikorwa zateguye ukwezi kwahariwe icyo gikorwa, kuva kuwa 25 Gicurasi kugera kuwa 25 Kamena 2011.

Ku rwego rw’igihugu icyo gikorwa cyatangirijwe mu Karere ka Ngoma ku itariki ya 10 Kamena ahatashywe Biyogazi hakanahembwa akagari gafite biyogazi nyinshi ,umurenge ufite biyogazi, n’akarere gafite biogazi nyinshi.

 Akarere ka Ngoma niko kaza ku isonga mu Gihugu  ari nako kahembwe kakaba gafite biyogazi 95 zikoreshwa n’izindi 45 ziri kubakwa, Umurenge wahembwe ni uwa Rukira na akagari ni aka Kibatsi hose ho mu Karere ka Ngoma.

Uwo muhango wari witabiriwe n’Abanyacyubahiro banyuranye barimo Minisitiri w’ubuhinzi  
Dr Agnes KALIBATA, ari nawe wari umushyitsi mukuru, Umunyabanga wa Leta muri Minisiteri y’bikorwa remezo  Ir. Colette RUHAMYA, Guverineri w’Intara y’Iburasirazuba Dr AISSA KIRABO KACYIRA , Abahagarariye b’Ingabo na Police, abakozi b’Akarere n’abaturage bo mu Mirenge ya Murama na Rukira.
Abari aho bakanguriwe kwita ku isuku no kubungabunga ibidukikije.