Ababyeyi basabwe kugira umuco wo kohereza abana mu ngo mbonezamikurire y’abana bato.
None kuwa 19.03.2025 mu Karere ka Ngoma habaye ibirori byo Kwizihiza Umunsi wahariwe imbonezamikurire y'Abana bato, wari ufite insanganyamatsiko igira iti: “Umwana wanjye, ishema ryanjye”
Ibirori byitabiriwe n'Umuyobozi Mukuru w'Ikigo Cy’Igihugu Gishinzwe Imikurire no Kurengera Umwana Madamu INGABIRE Assumpta ari kumwe n'Umuyobozi w'Akarere ka Ngoma Madamu NIYONAGIRA Nathalie n’abandi bayobozi mu nzego zitandukanye ku rwego rw’Akarere hamwe n’abafatanyabikorwa.
Umuyobozi Mukuru w'Ikigo cy'Igihugu gishinzwe imikurire no kurengera umwana Madamu INGABIRE Assumpta
Ubutumwa bwatanzwe n'Abayobozi batandukanye bwagarutse ku gushimira ababyeyi batanze ingo zabo zigatangirwamo serivis z’imbonezamikurire y’abana bato, abafashamyumire ba ECD, kwibutsa akamaro k'imbonezamikurire y'abana bato harimo gukangura ubwonko bw’umwana no kumufasha mu mukurire n’imibanire myiza n’abandi na serivisi zitangirwamo no gukangurira ababyeyi kujyana Abana babo mu marerero yabegerejwe hirya no hino mu Karere ka Ngoma.
Mu Karere ka Ngoma habarurwa ingo mbonezamikurire y’abana bato zigera kuri 1082 zirimo ibyiciro bitandukanye bigizwe n’ingo mbonezamikurire z’icyitegererezo, ingo mbonezamikurire zikorera ku bigi by’amashuri n’ingo mbonezamikurire zikorera hafi y’abaturage n’ingo mbonezamikurire zikorera mu ngo zatanzwe n’abaturage.
Abayobozi basuye irerero ryo mu Igorero ry'Abagore rya Ngoma bareba serivisi z'imbonezamikurire y'abana bato zihatangirwa.
Mu birori byo kwizihiza umunsi w'ingo mbonezamikurire y'abana bato, abayobozi bagaburiye abana indyo yuzuye.
Mu birori byo kwizihiza umunsi w'ingo mbonezamikurire y'abana bayo hashimiye abafashamyumvire mu guteza imbere uburezi bw'abana bato.
