None kuwa kabiri taliki 16/11/2021 kimwe n'ahandi hose mu gihugu, mu karere ka Ngoma kuri Site y'itora ya Stade Ngoma habereye igikorwa cy'amatora yo gushaka abajyanama 8 basanga abandi bari baratorewe mu bindi byiciro bibinjiza mu nama Njyanama y'Akarere ka Ngoma.

Igikorwa cyitabiriwe na Hon GATABAZI JMV Minisitiri w'Ubutegetsi bw'Igihigu aherekejwe na Dr. NYIRAHABIMANA Jeanne Umunyamabanga Nshingwabikorwa w'Intara y'Iburasirazuba, Lt Col Emmanuel NYIRIHIRWE Bgde Cmdr, KANAYOGE Alex umuyobozi w'Agateganyo w'Akarere ka Ngoma n'abagize inama y’umutekano itaguye ku rwego rw'Akarere ka Ngoma.

Mbere yo guhabwa urupapuro rw'itora buri wese abakorerabushake ba komisiyo y'igihugu y'amatora babanzaga kureba ko ari kuri lisiti y'itora

Abagize inteko itora batoreraga kurupapuro ruriho umubare w'abakandida bose utora agahitamo abakandida umunani yifuza ko bazahagararira abaturage mu Nama Njyanama y'Akarere ka Ngoma.

Mu bakandida 31 bahataniraga kwinjira mu Nama Njyanama y'Akarere ka Ngoma abatowe ni aba bakirukira:

1. BANAMWANA Bernard

2. BUSHAYIJA Francis

3. MAPAMBANO NYIRIDANDI Cyriaque

4. MUKAYIRANGA Marie Gloriose

5. MUSONERA Ephrem

6. NIYITUGIZE David

7. NIYONAGIRA Nathalie

8. NTIBIRINGIRWA Olivier

Abajyanama 8 batorewe kwinjira mu Nama Njyanama y'Akarere ka Ngoma

Mu butumwa bwa Hon. GATABAZI JMV Minisitiri w'Ubutegetsi bw'Igihugu yibukije abajyanama ko umurimo bahatanira ari umurimo mwiza wo kuvugira no kwita ku bibazo by'abaturage abasaba kuzajya mu baturage bakumva ibibazo byabo kdi bigashakirwa ibisubizo, abagize Inama Njyanama bose bafatanije kugirango hubakwe imiyoborere ishingiye ku iterambere ry'abaturage.

Kuri uyu wa gatanu taliki 19/11/2021 biteganijwe ko aribwo hazakorwa amatora y’abagize biro y’Inama Njyanama ndetse na Komite Nyobozi y’Akarere ka Ngoma.

Abatowe Tubifurije imirimo myiza.