Abakozi bashya 74 b’urwego rwunganira Akarere mu gucunga umutekano DASSO barahiriye gutangira inshingano.
Kuri uyu wa Gatatu taliki 25.01.2023, Umuyobozi w'Akarere ka Ngoma Madamu NIYONAGIRA Nathalie ari kumwe n'abagize inama y'umutekano y'Akarere itaguye yakiriye indahiro z'abakozi bashya b'urwego rwa DASSO 74 binjiye mu kazi nyuma yo gusoza amahugurwa yo gucunga umutekano abemerera gutangira inshingano.
Mu butumwa Umuyobozi w'Akarere yagejeje kubarahiriye inshingano ndetse n'abasanzwe mu kazi muri rusange yabashimiye amahitamo bagize yo kugana urwego rwa DASSO kugirango bunganire Akarere mu gucunga umutekano abasaba gukomeza kurangwa n'imyitwarire myiza mu kazi kabo bagafatanya nabo bajye basanga muguteza imbere imibereho myiza y'abaturage.