Uyu munsi, kubufatanye n'umushinga wita ku burezi (Inspire and Educate Empower: IEE) Umuyobozi w'Akarere wungirije ushinzwe imibereho myiza Madamu MUKAYIRANGA Marie Gloriose yashyikirije mudasobwa abana 18 batsinze neza ibizamini bisoza mashuri yisumbuye barimo gufasha mu kwihugura mu mwuga w'uburezi mbere yo gutangira Kaminuza. Mudasobwa bahawe ni izo kubafasha kujya bakora ubushakashatsi mu masomo bigisha

Bamwe mu bana bahawe izi mudasabowa bari banasanzwe bigisha amasomo ajyanye namashami bize mu mashuri yisumbuye bavuze ko iyi gahunda ari nziza kuko ibafasha kubona aho bakomereza kwiyungura ubumenyi bikabafasha kuba batahura nibishuko birimo kujya mu biyobyabwenge ndetse n’izindi ngeso.

Umuyobozi w'Akarere wungirije ushinzwe imibereho myiza Madamu MUKAYIRANGA Marie Gloriose yasabye aba banyeshuri kuzakoresha neza izi mudasobwa bahawe kuko ari izabo nibasoza gahunda barimo ko kwitoza umwuga w'uburezi bazazikomezanya muri Kaminuza bazigamo bityo zikazabashe mu gukomeza amasomo yabo.

Umushinga (Inspire Educate Empower IEE) ukorera iyi gahunda mu gihugu hose mu gutoranya abana muri uyu mwaka bafatiye ku manota 57 kuzamura bagafata abana bemera kwitoza umwuga wo kwigisha. Aba bana bakora bataha iwabo bakanegerwa insimburamubyizi buri kwezi hakiyongeraho amahugurwa ndetse n’ibikoresho bagenda bagezwaho mu bihe bitandukanye.