Muri iki gitondo, ku ishuri rya KIGARAMA TSS Umuyobozi w’Akarere Madamu NIYONAGIRA Nathalie yatangije ibizamini by’amashuri yisumbuye byakozwe n’abanyeshuri bangana na 6,114 bigamu cyiciro rusange, abiga uburezi rusange, imyuga n’ubumenyingiro (TVET), barimo abahungu 2,795 n’abakobwa 3,319.

Umuyobozi w’Akarere ka Ngoma, NIYONAGIRA Nathalie yifurije abanyeshuri bose barimo gusoza ibyiciro bitandukanye kuzatsinda neza ibizamini abasaba gukomeza gukabya indoto zabo abibutsa ko Leta yashyizeho uburyo bunoze bwo gufasha abana kwiga bagasoza amashuri yose bifuza.

Icyiciro rusange cy’ayisumbuye (O’ Level) hakoze abanyeshuri 3,698 barimo abahungu 1,667 n’abakobwa 2,031 naho amashuri yisumbuye (A level) hakora abanyeshuri 1,330 barimo abahungu 578 n’abakobwa 752.

Ni mu gihe abiga imyuga n’ubumenyingiro (TVET) bakoze uyu munsi ari 684 barimo abahungu 401 n’abakobwa 283; abiga Professional Education Level ni 402 harimo abahungu 149 n’abakobwa 253.

Biteganyijwe ko ibizamini bizasozwa kuwa 02 Kamana 2024.