Ku gicamunsi cyo kuri iki cyumweru taliki 02/03/2025, kuri Stade y'Akarere ka Ngoma habereye imikino ya 1/4 mu mupira w'amaguru ku rwego rw’Intara y’Iburasirazuba.

Iyi mikino yarangiye mu bakobwa ikipe y'Umurenge wa Kirehe ikomeje mu cyiciro gikurikiraho itsinze iya Rukumberi naho mu bagabo ikipe y'Umurenge wa Murambi yari iahagarariye Akarere ka Gatsibo yatsinze iya Jarama ihagarariye Akarere ka Ngoma ibitego 2-1.

Imikino yitabiriwe n'Umunyamabanga Nshingwabikorwa w'Intara Dr Jeanne Nyirahabimana, Abagize Komite Nyobozi z'Uturere twa Gatsibo, Kirehe na Ngoma n'abaturage batandukanye baturutse muri utu turere. 

Mu butumwa yagejeje ku baturage bitabiriye iyi mikino, Umunyamabanga Nshingwabikorwa w'Intara Dr.NYIRAHABIMANA Jeanne yavuze ko aya marushanwa ko yateguwe mu rwego rwo kwimakaza Imiyoborere myiza dukesha Nyakubahwa Perezida wa Repubulika Paul Kagame haba mu bukungu, iterambere,imiyoborere myiza n’imibereho myiza.

Yasoje asaba abaturage gukora Siporo kugirango bagire ubuzima bwiza, urubyiruko kwirinda ibiyobyabwenge. Yasabye abaturage gukomeza gushyigikira amakipe yanyu kugirango azakomeze kwitwara neza aserukire Intara azatware ibikombe.

Iyi mikino ifite insanganyamatsiko igira iti: "Dukomeze umuco wo guhiga no guhigamwa Twimakaze Imiyoborere myiza".