Mu gitondo cyo kuri uyu wa Mbere taliki 12.09.2022 mu mirenge igize Akarere ka Ngoma abayobozi, inzego z'umutekano n'abaturage muri rusange baramukiye mu muganda udasanzwe wiswe: Igitondo cy'Isuku hagamijwe gukora isuku ku mihanda minini, imihanda y'imigenderano no mu nkengero zayo, muri sentire z'ubucuruzi aho batuye n'aho bakerera mu rwego rwo kwimakaza umuco w'isuku n'isukura.

Abaturage bifatanyije n'Abayobozi mu muganda udanzwe wiswe "Igitondo cy'isuku"

Abagize inzego z'umutekano bitariye umuganda udasanzwe w'Igitondo cy'Isuku

Mu bice bitandukanye abagize inzego z'umutekano mu karere ka Ngoma bifatanyije n'abaturage mu bikorwa by'umuganda.

Iyi gahunda y'umuganda udasanzwe wo kuri uyu wa Mbere ni gahunda yatangijwe n'Intara y'Iburasirazuba naho mu karere ka Ngoma hakaba hasanzwe gahunda ya Gura Isuku Usobanuke ikorwa buri wa gatutu w'icyumweru ikaba yaratangijwe n'inzego z'abagore hagamijwe kwimakaza isuku aho batuye.

Bamwe mwe mu baturage twaganiriye bavuze ko iki gikorwa ari umwanya mwiza wo kubakebura mu bikorwa byisuku. Uwitwa NIYONZIMA Jean Damascene utuye mu murenge wa Remera avuga ko iki gukorwa ari ingirakamaro kdi kirushaho kubashishikariza kugira umuco w'isuku ati: "Iki gikorww tuzindukiyemo nubundi twari dusanzwe tugira isuku ariko kuba abayobozi bajye ngo dufatanye uyu muganda biradufasha kugira imbaraga no gukomeza kuzirikana ko isuku ari isoko y'ubuzima kdi natwe muri rusange ntawishimira kuba mu mwanda".

Naho mugenzi we witwa UWASE Christine we yemeje ko iyi gahunda yo gukora umuganda igaragaza ubufatanye muri byose bityo akavuga ko bizabafsha kongera kwikubita agashyi bakimakaza gahunda yisuku aho batuye yagize ati: “Twishimiye ko abaturage twese twaramukiye mu bikorwa by’siku mu byukuri hari ubwo wakoraga isuku imbere yahoo ukorera cyangwa mu gikari cy’inzu yawe ariko ukabona mu genzi wawe arigira ntibindeba uyu muganda rero wongeye kudukangura no kudufasha kugira isuku hano mu isantire ya Remera”

Mu butumwa yagejeje ku baturage umuyobozi w'Akarere Madamu NIYONAGIRA Nathalie yabashimiye uruhare bagaragaje mu kwitabira gahunda y'isuku idasanzwe ndetse n'uburyo bakomeje gufatanya n'ubuyobozi mu gushyira mu bikorwa gahunda za Leta abasaba gukomeza kwita kubikorwa bigamije gukumira ibiiza harimo kuzirika ibisenge, gutera ibiti birwanya isuri mu mirima dore ko tugeze no mu gihe cy'ihinga ahateganyijwe imvura y'umuhindo ishobora kuzaba nyinshi ikaba yagira ibyo yangiza igihe abantu batayiteguye hakiri kare.

Umuyobozi w'Akarere ka Ngoma Madamu NIYONAGIRA Nathalie yahaye impanuro abaturage nyuma y'umuganda.