Kuri uyu wa Kabiri taliki 01/04/2025, Umuyobozi w’Akarere Madamu NIYOGANIRA Nathalie ari kumwe n’Umuyobozi w’Akarere ka Kirehe Bwana RANGIRA Bruno bakiriye itsinda ry'Abasirikari biga mu ishuri rikuru rya Gisirikare rya Nyakinama riherereye mu Karere ka Musanze bari mu rugendoshuri rugamije gusobanukirwa Politiki y’ubuhinzi mu Rwanda basura ibikorwa by'ubuhinzi ndetse baganira n'abahinzi b'umuceri bakorera mu gishanga cya Cyunuzi bibumbiye muri Koperative KOPRIKI. 

Aba ba Ofisiye basuye uruganda rutunganya umuceri rwitwa "Kirehe Rice" ruherereye mu Karere ka Kirehe basobanurirwa uburyo utunganywa kugeza woherejwe ku isoko.

Ni urugendoshuri barimo rwatangiye ku ya 31 Werurwe 2025 rukazasozwa kuwa 04 Mata 2025 rukorerwa hirya no hino mu gihugu mu rwego rwo guhabwa ubumenyi ku buhinzi bugezweho mu Rwanda mu kugera ku mutekano n'iterambere rirambye.

Ni urugendoshuri rufite insanganyamatsiko igira iti ”Politiki y’iterambere ry’ubuhinzi hagamijwe ukwihaza mu biribwa n’iterambere.”

Andi mafoto yaranze urugendo shuri ry'aba ofisiye biga mu ishuri rya Gisirikari rya Nyakimana basuye Ngoma na Kirehe.