Kuri uyu wa Kabiri, Umuyobozi w’Akarere wungirije ushinzwe imibereho myiza y’abaturage Madamu MUKAYIRANGA Marie Gloriose yitabiriye igikorwa cyateguwe na Koperative COOPRIKI-Cyunuzi ihuriweho n’abahinzi b’umuceri bo mu turere twa Kirehe na Ngoma, mu gikorwa cyo kwishyurira Mituweli 2025-2026 abanyamuryango bayo kuruhande rw’Akarere ka Ngoma baturuka mu Mirenge ya Rukira na Murama basaga ibuhumbi bitanu na Magana inani hamwe n'abagize imiryango yabo.

Iki igikorwa cyabereye ku cyicaro cya koperative giherereye mu Murenge wa Gatore. Ni igikorwa cyanitabiriwe kandi n'Umuyobozi w'Akarere ka Kirehe wungirije ushinzwe iterambere ry’ubukungu Bwana NZIRABATINYA Modeste

Muri iki gikorwa COOPRIKI-Cyunuzi yishyuriye ku ruhande rw’Akarere ka Ngoma abanyamuryango bayo amafaranga 16,833,000Frw, mu gihe ku ruhande rw’Akarere ka Kirehe yishyuzwe 18,177,000Frw y’imisanzu ya Mituweli y'umwaka utaha wa 2025-2026. 

Umuyobozi w’Akarere wungirije ushinzwe imibereho myiza y’abaturage MUKAYIRANGA Marie Gloriose yashimiye Koperative y’abahinzi b’umuceri ya COOPRIKI-Cyunuzi kuri iki gikorwa cyiza cyo gufasha abanyamuryango bayo kwishyura ubwisungane mu kwivuza ku gihe kugirango baiafashe no gukora imirimo yabo y’ubuhinzi batekanye kuko badashobora kurwara ngo babure uko bajya kwivuza.