Muri gahunda yo kwegera abaturage mu mirenge, kubatega amatwi no kubakemurira ibibazo kuri uyu wa Kane taliki 01.09.2022, abagize inama y'umutekano itaguye y'Akarere bayobowe n'Umuyobozi w'Akarere ka Ngoma Madamu NIYONAGIRA Nathalie bifatanyije n'ubuyobozi bw'umurenge wa Kibungo na Remera mu gukemura ibibazo by'Abaturage.

Ibibazo byakiriwe byiganjemo ibishingiye: Amakimbirane yo mu miryango, Ibibazo bijyanye n'irangamimerere n’Ibibazo bishingiye ku mitungo/Ubutaka.

Abaturage bari benshi biteguye kubaza ibibazo bitandukanye ari nako bahabwa ibisubizo ako kanya.

Abaturage bo muri iyi mirenge ya Remera na Kibungo bashimiye ubuyobozi bw'Akarere ka Ngoma kubwo kubagenera umwanya bakabatega amatwi kdi buri wese ikibazo cye kigashakirwa igisubizo batabanje gutegereza kuko rimwe na rimwe bahoraga mu nzira bajya kubiro by'Akarere kubaza igisubizo bityo begera bakabaruhura  bigatuma batakaza amafaranga y'ingendo.

Umuyobozi w'Akarere Madamu NIYONAGIRA Nathalie yasabye abayobozi kwegera abaturage bakabakemurira ibibazo yagize ati:  "Ntabwo twifuza ko umuturage wacu arengana niyo mpamvu dufata umwamya tukamusanga tugamije kumutega amatwi no kumukemurira ibibazo kugirango tumufashe kwihuta mu iterambere bityo ndasaba buri wese ku rwego rwe gushaka umwanya wo kwegera abaturage akabumva akabakemurira ibibazo hanyuma ibitabonewe ibisubizo hakiyambazwa inzego zisumbuye"

Iyi gahunda izakomeza no muyindi mirenge mu rwego rwo gukomeza kwegera abaturage.