Muri gahunda yo kwegera abaturage mu mirenge, kubatega amatwi no gukemura ibibazo byabo kuri uyu wa Kane taliki 11.08.2022, Umuyobozi w'Akarere ka Ngoma Madamu NIYONAGIRA Nathalie ari kumwe n'Umuyobozi w'Akarere wungirije ushinzwe imibereho myiza y'abaturage Madamu MUKAYIRANGA Marie Gloriose baherekejwe n’abagize Inama y’Umutekano itaguye y'Akarere ka NGOMA bifatanyije n'ubuyobozi bw'umurenge wa Karembo mu gukemura ibibazo by'Abaturage.

Ibibazo byakiriwe byiganjemo ibishingiye: Amakimbirane yo mu miryango; Ibibazo bijyanye n'irangamimerere n’Ibibazo bishingiye ku butaka.

Abaturage b'umurenge wa Karembo bashimiye ubuyobozi bw'Akarere ka Ngoma kubwo kubegera bakabaruhura ingendo bishimira ko byabafashije kuzigama amafaranga y'urugendo bashoboraga gutakaza bajya kubaza ibibazo byabo ku karere ka Ngoma

Umuyobozi w'Akarere Madamu NIYONAGIRA Nathalie yasabye abaturage kwirinda amakimbirane kuko adindiza iterambere ry'umuryango ahubwo bagakemura ibibazo byabo mu bwumvikane yasoje asaba abayobozi ku murenge no ku kagali kurushaho kwegera abaturage bakumva ibibazo byabo ndetse bakabikemura hakiri kare kuko iyo bitinze bituma abaturage bahora mu manza bigatuma badakora imirimo igamije guteza imbere imiryango yabo.  Yasoje yihanangiriza abayobozi bafata ibigenewe abaturage bakabigira ibyabo avuga ko batazihanganirwa kuko ari ukudindiza iterambere ry'umuturage.