Kuri uyu wa Kane taliki 20/10/2022 mu Karere ka Ngoma hatangijwe igihembwe cy’ihinga cyo gutera ubwatsi 2023A.

Umuyobozi w'Akarere wungirije ushinzwe imibereho myiza Madamu MUKAYIRANGA Marie Gloriose ari kumwe n'uhagarariye umushinga #SendCow Inka Zikamwa yifatanyije n'aborozi b'Umurenge wa Mutenderi gutangiza igihembwe cy'ihinga ry'ubwatsi bw'amatungo cya 2023A ahatewe ubwatsi kuri ha1,5. Uyu mushimga Send Cow usanzwe ukorera mu mirenge ya Rukira, Kazo na Mutenderi ugamije gufasha aborozi gukora ubworozi bwa kijyambere kugirango babone umukamo ndetse basagurire n’amasoko.

Umuyobozi w'Akarere wungirije ushinzwe imibereho myiza y'abaturage MUKAYIRANGA Marie Gloriose basabye abaturage guhinga ubwatsi bw'amatungo ku mikingo y'amasambu yabo bikabafasha no kurwanya isuri.

Umuyobozi w'Akarere wungirije ushinzwe imibereho myiza Madamu MUKAYIRANGA Marie Gloriose yabwiye aborozi ko guhinga ubwatsi bwa kijyambere bugaburirwa inka buzifasha kongera umukamo w'amata bityo bigateza imbere aborozi ndetse n'umuryango muri rusange avuga ko Akarere ka Ngoma kahisemo gahunda yo kororera mu biraro ari naho yahereye asaba aabhinzi borozi kubikora kinyamwuga kuko ubuhinzi butagomba gutandukana n’ubworozi.

Muri iki gihembwe cy’Ihinga cya 2023/A,mu Karere ka Ngoma hateganyijwe guterwa ubwatsi bw’amatungo kuri hegitari 130.

Abafashamyumvire mu bworozi aha barerekena uburyo bwiza bwo gutera ubwatsi mu cyobo hifashishijwe ifumbire y'imborera.

Abaturage baragirwa inama yo kwifashisha ifumbire y'imborera igihe batera ubwatsi bw'amatungo