Igiterane Ngoma Shima Imana ni umwanya mwiza wo kwibutsa abayobozi b’amadini n’amatorero kwigisha abayoboke babo guhindura imyumvire.
Kuri iki cyumweru taliki ya 22 Gicurasi 2022, mu karere ka Ngoma kuri StadeNgoma habaye igiterane Ngoma Shima Imana cyateguwe ku bufatanye bw'Akarere amadini n'amatorero.
Igiterane cyitabiriwe n'umuyobozi w'Akarere ka Ngoma Madamu NIYONAGIRA Nathalie, umuyobozi wa RIC mu karere Padiri MUJYAMBERE Felicien, abagize inama Njyanama y'Akarere ka Ngoma, abagize inzego z'umutekano, abayobozi b'amadini n'amatorero akorera mu karere ka Ngoma, ES b'imirenge, abakirisitu batandukanye bo mu karere kaNgoma.
Igiterane cyitabiriwe n'abakiristu benshi ndetse n'abayobozi b'amatorero atandukanye
Igiterane cyasusurukijwe n'amakorari atandukanye, umuhanzi uririmba indirimbo zihimbaza Imana Eddy KAMOSO kiyoborwa n'umuvugabutunwa Musenyeri Bishop John RUCYAHANA
Mu butumwa yagejeje ku baturage bari benshi bitabiriye iki giterane Bishop John RUCYAHANA yasabye abayobozi b'amadini n'amatorero ko badakwiye kumva ko uruhare rwabo ari ugusenga gusa abasaba kurushaho gukangurira abakirisitu bayoboye guhindura imyumvire bakishakamo ibisubizo bigamije guteza imbere imiryango yabo by'umwihariko n'igihugu muri rusange. Ati: Ntibikwiye kumva umukirisitu uyoboye ariwe ufite umwna watewe inda akiri muto ahubwo mufate iyambere mwigishe imiryango kwita ku bana babo kugirango abo bana bakurire mu muryango unezerewe nibwo bazakura bakavamo abagabo n’abagore u Rwnda rwifuza kuko barezwe neza”
Abitabiriye igiterane "Ngoma Shima Imana" banejejwe nubutumwa bahawe na Musenyeri Bishop John RUCYAHANA
Umuyobozi w'Akarere NIYONAGIRA Nathalie yavuze ko nk'Akarere gufatanya n'amadini n'amatorero ari iby'ingenzi kuko aribo bafite imiryango y'abakirisitu kdi umuryango ariwo dufitemo abaturage bityo gufatanya n'amadini n'amatorero bifasha Akarere kubona umuyoboro mwiza wo kunyuzamo ubukangurambaga bugamije gukangurira abaturage kwitabira gahunda za Leta.
Madamu NIYONAGIRA Nathalie yashimye uruhare rw'abafatanyabikorwa b'Abakrere ka Ngoma mu iterambere ryako
Nyuma y'igiterane abayobozi b'amadini n'amatorero bahamije ubumwe n'ubufatanye bafatira hamwe na Komiye Nyobozi y'Akarere ifoto y'urwibutso.