Kimwe n’ahandi hose mu gihugu ndetse no ku isi yose kuri uyu wa 07/04/2022 hirya no hino mu midugudu igize Akarere ka Ngoma habaye igikorwa cyo Kwibuka28 Jenoside yajkorewe Abatusti mu 1994.

Ku rwego rw'Akarere ka Ngoma kwibuka byatangirijwe ku rwibutso rwa Kibungo, umushyitsi mukuru yari Guverineri w'Intara y'Iburasirazuba CG Emmanuel GASANA aherekejwe n'abagize inama y'umutekano itaguye y'Intara. Muri uyu muhango twifatanyije kandi n’intumwa za Rubanda Hon MUKANDERA Iphigenie na Hon Leonard NDAGIJIMANA, Perezida w'Inama Njyanama y'Akarere ka Ngoma Bwana BANAMWANA Bernard ari kumwe n'abagize inama Njyanama y'Akarere ka Ngoma ndetse nbagize inama y’umutekano itaguye y’Akarere ka Ngoma.

Mu ijambo rye umuyobozi w'Akarere Madamu NIYONAGIRA Nathalie yahaye ikaze abajye kwifatanya n'abaturage b'Akarere ka Ngoma #Kwibuka28 Jenoside yakorewe Abatutsi mu 1994 yijeje abarokotse jenosde yakorewe abatutsi mu 1994 ko ubuyobozi bw'Akarere buzakomeza kubaba hafi mu mibereho yabo ya buri munsi.

Umuyobozi w'Akarere ka Ngoma Madamu NIYONAGIRA Nathalie

Abitabiriye umuhango wo Kwibuka28 Jenoside yakorewe Abatutsi mu 1994 bahawe ikiganiro " Twahisemo ku umwe " cyatanze na Bwana KAREMANGINGO

Mu buhamya bw'uwarokokeye jenoside mu bitaro bya Kibungo Ngutegure Collette yagarutse ku nzira y'umusaraba banyuzemo muri ibyo bitaro no mu nkengero zabyo,aho abicanyi bahoraga bica abatutsi ntaho kwihisha hari hahari,ashimira ingabo zari iza RPF inkotanyi zabarokoye. Ngutegure Collette yashimye uburyo ubuyobozi bw'igihugu bwamufashije kwiyubaka.

Madamu NGUTEGURE Collette watanze ubuhamya ashima inkotanyi zamurokoye Jenoside yakorewe Abatutsi mu 1994 mu Bitaro bya Kibungo

Uhagarariye Ibuka mu karere ka Ngoma Musafiri Jean Pierre yasabye ubufatanye mu gukumira ibikorwa n'amagambo bihungabanya imitima y'abarokotse jenoside.

Guverineri w’Intara y’Iburasirazuba CG GASANA Emmanuel yasabye abaturage kwirinda icyo ari cyo cyose gifitanye isano n'ingangabitekerezo ya jenoside n'ibindi bikorwa bihungabanya imitima y'abarokotse Jenoside yakorewe Abatutsi mu 1994.

Urwibutso rwa jenoside rwa Kibungo rushyinguyemo imibiri y'Abatutsi basaga ibihumbi makumyabiri na bitanu 25.000

Abayobozi batandukanye bitabiriye #Kwibuka28 Jenoside yakorewe abatutsi mu 1994