Kibungo: Imiryango yasezeranye imbere y’amategeko yakanguriwe kwirinda amakimbirane n’ihohoterwa

Mu rwego rwo gukomeza ubukangurambaga bwo kurwanya no gukumira ihohotera rishingiye ku gitsina no guteza imbere umuryango utekanye, mu Murenge wa Kibungo habereye igikorwa cyo gushyigikira imiryango yasezeranye imbere y’amategeko, hibandwa ku kubakangurira kubaka ingo zubakiye ku mahoro n’ubwubahane.

Umuyobozi w’Akarere wungirije ushinzwe iterambere ry’ubukungu, Bwana Mapambano NYIRIDANDI Cyriaque wari witabiriye iki gikorwa, yashimye iyi miryango yahisemo gusezerana imbere y’amategeko, avuga ko ari intambwe ikomeye mu kurushaho kubaka umuryango uhamye kandi utekanye.

Mu butumwa yagarutseho yasabye iyi miryango:

• Kwirinda amakimbirane n’ihohoterwa iryo ari ryo ryose, haba irikorerwa mu rugo cyangwa irikorerwa abana.

• Kubaka umuco wo kuganira no gukemura ibibazo mu mahoro,  

• Gushyira imbere urukundo, kubahana no gufatanya mu buzima bwose,

• Kurinda no kurera neza abana, 

Akarere ka Ngoma gakomeje gushyira imbere ibikorwa byo gukumira ihohotera rishingiye ku gitsina, binyuze mu bukangurambaga bugamije kubaka imiryango irangwa n’amahoro, urukundo n’iterambere.