Kuri uyu wa gatatu taliki 09/ 02 / 2022 Minisitiri w'Ubutegetsi bw'Igihugu Jean Marie Vianney GATABAZI aherekejwe na Guverineri w'Intara y'Iburasirazuba CG Emmanuel K. GASANA, 1st Disivion CO Brgdier General Eugene NKUBITO, RPC CP Emmanuel HATARI yagiriye uruzinduko rw'akazi mu karere ka Ngoma.

Mu masaha ya mu gitondo Nyakubahwa Minisitiri w'ubutegetsi bw'Igihugu Jean Marie Vianney GATABAZI yagiranye inama n' abagize komite nyobozi n’inama njyanama by’akarere; abakozi b’akarere n’inzego z’umutekano ku rwego rw'intara n'akarere kamwe n'abanyamabangaNshingwabikorwa b'imirenge. Mu butumwa yatanze yasabye abitabiriye inama:

➡️Kwita ku mutekano w’umuturage;

➡️Kunoza & kwihutisha serivisi;

➡️Kurwanya ruswa n’akarengane;

➡️Gukemura ibibazo by’abaturage

Kwakira ibyifuzo by’Abaturage bizashingirwaho mu igenamigambi 2022/2023 ku rwego rw’igihugu byatangirijwe mu karere ka Ngoma

Minisitiri w'Ubutegetsi bw'Igihugu Hon. Jean Marie Vianney GATABAZI yatangije gahunda yo kwakira ibyifuzo by'abaturage bizashingirwaho mu igenamigambi ry'umwaka w'ingengo y'imali 2022/2023

Mu masaha y'igicamunsi Minisitiri w'ubutegetsi bw’Igihugu Hon. Jean Marie Vianney GATABAZI n'abandi bayobozi bari bamuherekeje yerekeje mu murenge wa Jarama aho yatangirije ku mugaragaro igikorwa cyo kwakira ibyifuzo by'abaturage bizashyirwa mu igenamigambi ry'ingengo y'imali 2022/2023.

Madamu NIYONAGIRA Nathalie umuyobozi w'Akarere ka Ngoma yagaragarije abaturage ibyo bakorewe bivuye mu byifuzo bari baratanze mu ngengo w'imali y'umwaka ushize uboneraho guha ubutumwa Nyakubahwa Minisitiri w'ubutegetsi bw'igihugu Hon.Jean Marie Vianney GATABAZI bushimira Nyakubahwa Perezida wa Repubulika Paul KAGAME ku bikorwa yagejeje ku baturage b'Akarere ka Ngoma birimo: Stade Ngoma, Hoteli, imihanda, amazi meza yegerejwe abaturage, inyubako z'amashuri n'ibindi.

Mu butumwa Nyakubahwa Minisitiri w;ubutegetsi bw’Igihugu yagejeje ku bitabiriye igikorwa cyo gutangiza gahunda yo kwakira ibyifuzo by’abaturage bizashingirwaho mu igenamigambi ry’ingengo y’imali 2022/2023 yavuze ko Leta y’u Rwanda yahisemo gukora igenamigambi rishingiye ku muturage kuko iyi leta yubatse ibikorwaremezo umuturage yagizemo uruhare yumva ko anafite inshingano zo ku bifata neza.

Muri iki gikorwa cyo kwakira ibyifuzo by’abaturage hahembwe abafatanyabikorwa bafashije Akarere ka Ngoma kubakira abaturage ibikorwa by’iterambere.

Abaturage batanze ibyifuzo bijyanye nibyo bumva byihutirwa Leta yazabagezaho mu igenamigambi ry'ingengo y'imali 2022/2023

Muri uyu muhango Hakiriwe ibyifuzo 20 byatanzwe n' Abaturage baserukiye abandi babarizwa mutugari twose uko ari 5 tugize umurenge wa Jarama.

Muri ibi byifuzo byatanzwe uko ari 20, umurenge uzatoranyamo 6 byihutirwa kurusha ibindi abe aribyo bizamuka ku rwego rw' Akarere bishyirwe mu igenamigambi mu mwaka wa 2022-2023