Kuri uyu wa gatatu taliki 02.03.2022 mu bigo byose by’amashuri mu karere ka Ngoma hatangijwe icyumweru cyahariwe Kurengera Umwana aho cyatangijwe n'urugendo rwamagana abahohotera abana.

Ku rwego rw’Akarere ka Ngoma iki gikorwa cyabereye mu murenge wa Kibungo mu ishuri ryisumbuye rya G.S GAHIMA aho umuyobozi w’Akarere ka Ngoma Madame NIYONAGIRA Nathalie Umuyibozi w'Akarere ka Ngoma ari kumwe na n’umuyobozi w'Akarere wungirije ushinzwe imibereho Myiza Madame MUKAYIRANGA Marie Gloriose, Umuyobozi w'Ingabo mu Karere ka Ngoma,Kirehe na Bugesera n'Umuyobozi wa RIB mu Karere ka Ngoma bifatanyie n’abanyeshuri ndetse n’abarimu muri ubu bukangfurambaga.

Mu biganiro byatanzwe byose byagarutse kuguha umwana uburenganzira akwiriye akarindwa ihohoterwa iryo ariryo ryose kuko bidindiza imibereho myiza y’umwana.

Muri ubu bukangurambaga, umuyobozi w'Akarere Madamu NIYONAGIRA Nathalie yasabye abana:

➡ Kwirinda ababashora mu ngeso mbi (ubusambanyi, ibiyobyabwenge)

➡️Gutanga amakuru y'abakoresha abana imirimo ivunanye

➡️ Gutanga amakuru ya bagenzi babo bataza ku ishuri ababyeyi bakabibazwa