Muri iki gitondo, Umuyobozi w’Akarere ka Ngoma, NIYONAGIRA Nathalie, yitabiriye inama yo gutangiza ku mugaragaro ibikorwa by’umushinga Afrinet Solutions Ltd ugamije gutunganya no kongerera agaciro igihingwa cy’inyanya.

Uyu mushinga wo kubaka uruganda rutunganya inyanya uteganyijwe kuzafasha mu guhindura inyanya ibicuruzwa bifite agaciro kurushaho, bikaba bizafasha abahinzi kubona isoko rirambye, ndetse n’abaturage kugerwaho n’ibikomoka ku nyanya byujuje ubuziranenge.

Mu butumwa bwe, Umuyobozi w’Akarere NIYONAGIRA Nathalie yashimye iki gikorwa gishyigikira gahunda za Leta zigamije guteza imbere ubuhinzi n’inganda zitunganya umusaruro w’abahinzi. Yavuze ko bizafasha mu kongera agaciro k’umusaruro w’inyanya wajyaga wangirika mu gihe cyo kuzijyana hirya no hino ku masoko, guteza imbere imibereho myiza y’abaturage, guhanga umurimo no kongerera Akarere amahirwe mu bukungu.

Abaturage n’abahinzi b’inyanya bo mu mirenge itandukanye ya Ngoma, bishimiye uyu mushinga bavuga ko ugiye gukemura ikibazo cy’umusaruro w’inyanya zabo wajyaga wangirika, bityo inyanya zabo ntizongere gupfa ubusa.

Umushinga wa Afrinet Solutions Ltd ni urugero rwiza rw’uko ubufatanye hagati y’inzego z’abikorera n’ubuyobozi bushobora gufasha mu guteza imbere ubuhinzi bunoze no kongerera agaciro ibikomoka ku musaruro w’abaturage.

Umuyobozi yashimye abafanyabikorwa bazashyira mu bikorwa umushinga w'uruganda rutunganya inyanya.