Mu gukomeza gushyigikira gahunda yo kugaburira abana ku ishuri, ibigo by’amashuri byo mu Karere ka Ngoma byatangiye guhinga imboga zigamije kongerera abana intungamubiri mu ifunguro rya buri munsi.

Iyi gahunda yatekerejwe mu rwego rwo kongera indyo zuzuye ku ifunguro ritangwa ku ishuri, bikajyana no kurwanya imirire mibi, gufatira ifunguro ku ishuri bikongerera abana ubushake bwo kwiga no kunoza ireme ry’uburezi.

Madamu MUKAYIRANGA Marie Gloriose, Umuyobozi w’Akarere Wungirije Ushinzwe Imibereho Myiza y’Abaturage, ashima cyane ubwitange n’ubushake bw’ibigo byatangiye iyi gahunda, yagize ati:

“Ndashimira ibigo by’amashuri byatangiye guhinga imboga mu rwego rwo gufasha abana kubona indyo yuzuye. Ibi ni urugero rwiza rwo guhanga udushya tugamije imibereho myiza y’abana.”

Yasabye abayobozi b’ibigo gukomeza gukangurira abarezi, abanyeshuri n’abakozi batekera abana kugira uruhare rufatika mu guharanira isuku n’imirire iboneye ku ishuri.