Mu rwego rwo kwitegura icyunamo cya Jenoside yakorewe abatutsi ku nshuro ya 22, mu Karere ka NGOMA ibikorwa birakomeje, kandi biragenda neza.
Bwana RUTAGENGWA Jean Bosco, umukozi w’Akarere ufite mu nshingano ze ibikorwa byo kwibuka afatanyije n’umukozi wa CNLG mu Turere twa NGOMA na KIREHE, Bwana Damien NIYONSHUTI, bamaze iminsi bategura ibikorwa binyuranye.
Ni muri urwo rwego mu Karere hakozwe amahugurwa anyuranye. Aheruka kuba akaba ari amahugurwa yakozwe tariki ya 22/03/2016, agenewe abantu bagera ku 160, baturutse mu Mirenge yose, bazahugura abazatanga ibiganiro  mu cyumweru cyahariwe icyunamo. Ubu mu Mirenge yose abazatanga ibyo biganiro bizabera ku rwego rw'Imidugudu bamaze guhugurwa. Ibyo biganiro akaba ari:
1.    Akamaro ko kwibuka Jenoside yakorewe Abatutsi;
2.    Ikiganiro ku ngengabitekerezo ya jenoside;
3.    Ingamba zo guhangana n’ingengabitekerezo ya jenoside n’aho u Rwanda rugeze ruyihashya.
Kwibuka ku nshuro ya 22 Jenoside yakorewe Abatutsi, bikaba bifite insanganyamatsiko igira iti “Kwibuka Jenoside yakorewe Abatutsi, turwanya ingengabitekerezo ya Jenoside”. Ubuyobozi bw’akarere ka NGOMA bukaba buteganya kuzajya kwifatanya n’Abaturage b’umurenge wa RUKUMBERI, Akagari ka Ntovi, Umudugudu wa Iyantende mu gikorwa cyo gutangira Icyumweru cy’icyunamo, naho gusoza icyo cyumweru bikazabera ku rwibutso rwa Rugese mu Murenge wa Rurenge.
Twibutseko kwibuka Jenoside yakorewe Abatutsi bitarangirana n’icyumweru cyahariwe kwibuka kuva tariki ya 7-13/04/2016, ko ahubwo ibikorwa byo kwibuka bikomeza, kugeza mu kwezi kwa karindwi, bikamara iminsi ijana. Muri gahunda zikomeye zo kwibuka mu karere ka Ngoma, harimo igikorwa cyo kwimurira imibiri mu Rwibutso rushya rwa Kibungo. Icyo gikorwa gikomeye kikaba giteganyijwe kuzaba tariki ya 25-26/06/2016.

Dore gahunda yo kwibuka mu Mirenge yose y’Akarere ka NGOMA.

No	UMURENGE	IJORO RYO KWIBUKA	UMUHANGO WO GUSOZA	ICYONGERWAHO
1	JARAMA	09/04/2016	17/09/2016	Gahunda ziteganyijwe mu Ijoro ryo kwibuka zirangira uwo munsi nyuma Abaturage bakazifatanya n’ab’ i Rukumberi mu muhango wo gusoza Icyunamo ku munsi wagenwe(17/04/2016)
2	GASHANDA	11/04/2016	12/04/2016	Abaturag b’iyi Mirenge bazahurira i ZAZA mu kurara ijoro ryo kwibuka no gusoza ku bucyeye kuko imibiri y’abazize Jenoside yakuwe muri iyi Mirenge yashinguwe mu Rwibutso rwa ZAZA
3	KAREMBO	11/04/2016	12/04/2016
4	MUGESERA	11/04/2016	12/04/2016
5	ZAZA	11/04/2016	12/04/2016
6	KAZO	12/04/2016	13/04/2016
7	MURAMA	12/04/2016	13/04/2016	Abaturage bo mu Murenge wa Murama bifatanya n’ab’I Rukira mu kurara ijoro ryo kwibuka no gusoza ku bucyeye I Rukira kuko imibiri y’abazizeJenoside yakuwe muri iyi Mirenge yashyingurwe murwibutso rwa Rukira
8	RUKIRA	12/04/2016	13/04/2016
9	RURENGE	12/04/2016	13/04/2016
10	RUKUMBERI	16/04/2016	17/04/2016
11	KIBUNGO	25-26/06/2016		Hazaba umuhango wo gushyingura imibiri izimurirwa mu rwibutso rushya.
12	REMERA	14/04/2016	15/04/2016
13	MUTENDERI	16/04/2016	17/04/2016
14	SAKE	08/04/2016	17/04/2016

  By SIBOMANA Jean Bosco
PRMCO/NGOMA