Kuva kuwa 14/09 kugeza kuwa 20/09/2016, itsinda ry’Intumwa za Rubanda, Umutwe w’Abadepite, ryari mu rugendo rw’akazi mu Karere ka NGOMA. Iryo tsinda ryari riyobowe na Hon. Adolphe BAZATOHA ryasuye imirenge yose y’Akarere ka NGOMA.
Iryo tsinda ry’abadepite ryari rigizwe n’abadepite 12 aribo:
1.    Hon. Adolphe BAZATOHA
2.    Hon. Fortunée NYIRAMADIRIDA
3.    Hon. Alphonsine MUKARUGEMA
4.    Hon. Jean de Dieu UWITONZE
5.    Hon. Pierre Claver RWAKA
6.    Hon. Agnès MUKAZIBERA
7.    Hon. Françoise MUKAYISENGA
8.    Hon. KALISA Evariste
9.    Hon. Edouard BAMPORIKI
10.    Hon. Athanasie GAHONDOGO
11.    Hon. Nura NIKUZE
12.    Hon. Annonciatha MUKARUGWIZA.
Mu ngendo bagiriye mu mirenge yose, izo Ntumwa za Rubanda zari kumwe n’Abayobozi b’Akarere ka Ngoma, Abayobozi b’inzego z’umutekana mu Karere ka Ngoma n’Abakozi banyuranye b’Akarere, zikaba zaraganiriye n'abaturage ku ngingo z’ingenzi zikurikira:
1.    Ikibazo cy’abana bata amashuri bakandagara;
2.    Ikibazo cy’isuku n’isukura;
3.    Ikibazo cy’imirire mibi igaragara cyane cyane mu bana, kikavamo kugwingira;
4.    Ikibazo cy’irangamimerere cyane cyane kwandikisha abana bakivuka no gusezerana byemewe n’amategeko.
5.    Kwakira no gukemura ibibazo abaturage bashobora kuba baterwa  no kudahabwa serivisi neza n’abayobozi no guhohoterwa.
Muri rusange abaturage bishimiye kubona intumwa zabo bitoreye zibasura, zikaza kureba aho bageze mu miyoborere myiza no mu iterambere ndetse no gukemura ibibazo byabo. Abaturage kandi baboneyeho umwanya wo kwishimira ibyiza bibageraho biturutse ku buyobozi bwiza burangajwe imbere na Nyakubahwa Perezida wa Repubulika Paul KAGAME.
Mbere yo gutaha intumwa za rubanda zikaba zaragaragaje muri make iby’ingenzi zabonye mu Karere ka Ngoma, zitanga inama z’ingirakamaro.

By SIBOMANA Jean Bosco
PRMCO/NGOMA