NGOMA: KOMITE MPUZABIKORWA Y’AKARERE KA NGOMA YATARATERANYE
Kuri uyu wa kane tariki ya 06/10/2016, kuri Sitade Cyasemakamba hateraniye inama ya Komite Mpuzabikorwa y’Akarere ka NGOMA. Nk’uko itegeko No 87/2013 ryo kuwa 11/09/2013 ribiteganya, Komite Mpuzabikorwa ku rwego rw’Akarere ni “Urwego nyunguranabitekerezo ku iterambere n’ishyirwa mu bikorwa rya gahunda za Leta mu Karere, imikorere n’imikoranire y’inzego, inzitizi zihari no gutanga ibitekerezo by’uburyo byakemuka”, ni ihuriro ry’abayobozi kuva ku rwego rw’Umudugudu kugeza ku rwego rw’Akarere.
Uretse abateganywa n’Itegeko, iyo nama ya Komite Mpuzabikorwa yari yitabiriwe n’Umunyamabanga Nshingwabikorwa w’Intara y’Iburasirazuba, Bwana MAKOMBE Jean Marie Vianney, Umuyobozi wa Polisi mu Ntara y’ Iburasirazuba ACP Emmanuel KARASI, Umuyobozi w’Ingabo mu Turere twa Ngoma, Bugesera na Kirehe Col. Bertin Mukasa CYUBAHIRO, Umuyobozi wa Polisi mu Karere ka NGOMA SSP Janvier MUTAGANDA, Abayobozi b’izindi nzego z’umutekano mu Karere, Abagize Inama Njyanama y’Akarere n’abafatanyabikorwa muri Sosiyeti Sivili.
Mu ijambo rye ry’ikaze, Umuyobozi w’Akarere ka NGOMA, Bwana Aphrodise NAMBAJE, yagaragaje ko Akarere gashyize imbere imbereho myiza n’iterambere ry’ubukungu ry’Abaturage bako. Yijeje ko hagiye kongerwa imbaraga mu kurwanya ubukene bukomeje kuvugwa mu Karere ka Ngoma, hashyirwa imbaraga mu ikoranabuhanga mu buhinzi hibandwa ku kuhira hakoreshejwe utumashini duto, ariko nako ibikorwaremezo bihindura ubuzima bw’abaturage byitabwaho. Amashanyarazi, amazi ndetse n’imihanda bikazashyirwamo imbaraga. Yasabye ariko n’abaturage kugira umuhati, bagakora umurimo unoze, byose bigaherekezwa n’isuku. Ababwira ko ibyo byose, aribyo bizatuma Akarere ka Ngoma kongera kugaragara mu Turere tw’indashyikirwa mu mwaka turimo wa 2016-2017 dore ko katagize umwanya mwiza mu mihigo ya 2015-2016. Yashimangiye ko kubera umuco mwiza wo gukorera hamwe dutozwa na Nyakubahwa Perezida wa Repubulika Paul KAGAME, Akarere ka Ngoma gafite gahunda yitwa “Urunana mu Mihigo”, igafasha gukorera hamwe, haba mu bikorwa by’imihigo no gukemura mu mucyo ibibazo by’abaturage.
Mu kiganiro ku mutekano yatanze, Umuyobozi wa Polisi mu Ntara y’ibirasirazuba, ACP Emmanuel KARASI, yagarutse cyane ku kibazo cy’ibiyobyabwenge n’ubusinzi, bigaragara mu baturage, bityo asaba Abakuru b’Imidugudu kubirwanya. Aba Bakuru b’Imidugudu bavuze ko bagiye kwita kuri icyo kibazo; ibyo babyemeza basinyana n’Umuyobozi w’Akarere imihigo irimo uwo kurwanya ibiyobyabwenge n’ubusinzi.
Mu ijambo rye, Umunyamabanga Nshingwabikorwa w’Intara y’Iburasirazuba Bwana MAKOMBE Jean Marie Vianney, yibukije inshingano za Komite Mpuzabikorwa nk’uko itegeko No 87/2013 ryo kuwa 11/09/2013 riziteganya; asaba abayobozi bose kuva ku mudugudu kugera ku Karere, gushyira hamwe igihe cyose. Imihigo, igategurwa kandi igahigwa kuva ku rugo kugera ku Karere, abantu bashyize hamwe; kuyikurikirana no kuyisuzuma, bigakorwa neza, buri gihe, hagakorwa n’amaraporo akabikwa neza. Yibukije ko inkingi y’iterambere ari serivisi nziza zihabwa umuturage n’umutekano. Asaba abayobozi b’ibanze gucunga neza umutekano ariko cyane cyane bakaba intangarugero. Yasabye Akarere gukaza umurego mu mihigo kugira ngo kongere kagaruke mu Turere tw’indashyikirwa; abaturage nabo bakagira uruhare mu mihigo bakanasagasira ibyagezweho.
By SIBOMANA Jean Bosco
PRMCO/NGOMA
Back
Uretse abateganywa n’Itegeko, iyo nama ya Komite Mpuzabikorwa yari yitabiriwe n’Umunyamabanga Nshingwabikorwa w’Intara y’Iburasirazuba, Bwana MAKOMBE Jean Marie Vianney, Umuyobozi wa Polisi mu Ntara y’ Iburasirazuba ACP Emmanuel KARASI, Umuyobozi w’Ingabo mu Turere twa Ngoma, Bugesera na Kirehe Col. Bertin Mukasa CYUBAHIRO, Umuyobozi wa Polisi mu Karere ka NGOMA SSP Janvier MUTAGANDA, Abayobozi b’izindi nzego z’umutekano mu Karere, Abagize Inama Njyanama y’Akarere n’abafatanyabikorwa muri Sosiyeti Sivili.
Mu ijambo rye ry’ikaze, Umuyobozi w’Akarere ka NGOMA, Bwana Aphrodise NAMBAJE, yagaragaje ko Akarere gashyize imbere imbereho myiza n’iterambere ry’ubukungu ry’Abaturage bako. Yijeje ko hagiye kongerwa imbaraga mu kurwanya ubukene bukomeje kuvugwa mu Karere ka Ngoma, hashyirwa imbaraga mu ikoranabuhanga mu buhinzi hibandwa ku kuhira hakoreshejwe utumashini duto, ariko nako ibikorwaremezo bihindura ubuzima bw’abaturage byitabwaho. Amashanyarazi, amazi ndetse n’imihanda bikazashyirwamo imbaraga. Yasabye ariko n’abaturage kugira umuhati, bagakora umurimo unoze, byose bigaherekezwa n’isuku. Ababwira ko ibyo byose, aribyo bizatuma Akarere ka Ngoma kongera kugaragara mu Turere tw’indashyikirwa mu mwaka turimo wa 2016-2017 dore ko katagize umwanya mwiza mu mihigo ya 2015-2016. Yashimangiye ko kubera umuco mwiza wo gukorera hamwe dutozwa na Nyakubahwa Perezida wa Repubulika Paul KAGAME, Akarere ka Ngoma gafite gahunda yitwa “Urunana mu Mihigo”, igafasha gukorera hamwe, haba mu bikorwa by’imihigo no gukemura mu mucyo ibibazo by’abaturage.
Mu kiganiro ku mutekano yatanze, Umuyobozi wa Polisi mu Ntara y’ibirasirazuba, ACP Emmanuel KARASI, yagarutse cyane ku kibazo cy’ibiyobyabwenge n’ubusinzi, bigaragara mu baturage, bityo asaba Abakuru b’Imidugudu kubirwanya. Aba Bakuru b’Imidugudu bavuze ko bagiye kwita kuri icyo kibazo; ibyo babyemeza basinyana n’Umuyobozi w’Akarere imihigo irimo uwo kurwanya ibiyobyabwenge n’ubusinzi.
Mu ijambo rye, Umunyamabanga Nshingwabikorwa w’Intara y’Iburasirazuba Bwana MAKOMBE Jean Marie Vianney, yibukije inshingano za Komite Mpuzabikorwa nk’uko itegeko No 87/2013 ryo kuwa 11/09/2013 riziteganya; asaba abayobozi bose kuva ku mudugudu kugera ku Karere, gushyira hamwe igihe cyose. Imihigo, igategurwa kandi igahigwa kuva ku rugo kugera ku Karere, abantu bashyize hamwe; kuyikurikirana no kuyisuzuma, bigakorwa neza, buri gihe, hagakorwa n’amaraporo akabikwa neza. Yibukije ko inkingi y’iterambere ari serivisi nziza zihabwa umuturage n’umutekano. Asaba abayobozi b’ibanze gucunga neza umutekano ariko cyane cyane bakaba intangarugero. Yasabye Akarere gukaza umurego mu mihigo kugira ngo kongere kagaruke mu Turere tw’indashyikirwa; abaturage nabo bakagira uruhare mu mihigo bakanasagasira ibyagezweho.
By SIBOMANA Jean Bosco
PRMCO/NGOMA