Mu Murenge wa Kibungo, ubuyobozi bw’Akarere ka Ngoma bwifatanyije n’abaturage ndetse n’inzego z’umutekano mu gikorwa cya siporo rusange kiba buri wa Kane nimugoroba.

Umuyobozi w’Akarere ka Ngoma, Niyonagira Nathalie, yashimiye abitabiriye iki gikorwa abasaba gukomeza umuco wa siporo, kuko ari isoko y’ubuzima buzira umuze.

Iyi siporo yitabiriwe n’abaturage b’ingeri zitandukanye barimo urubyiruko, abana n’abakuze, bose bishimira uburyo ibafasha kuruhuka no kongera ubusabane nyuma y’akazi gatandukanye baba biriwemo bagahuzwa n’iyi siporo isanzwe iba mu masaha y’umugoroba.