NGOMA: UMUGANDA WITABIRIWE N’INTUMWA ZA RUBANDA
Uyu wa gatandatu tariki ya 28/05/2016, ni uwa gatandatu wa nyuma y’ukwezi. Nk’uko bisanzwe, mu Gihugu hose aba ari umunsi w’umuganda. Itsinda ry'Intumwa za Rubanda mu Mutwe wa Sena ziyobowe na Visi Perezidante Senateri HARERIMANA Fatou, Abayobozi ku rwego rw’Intara barangajwe imbere na Guverineri w’Intara Madame Odette UWAMARIYA n’Abayobozi b’Akarere ka NGOMA, bahuriye mu gikorwa cyo kubungabunga ikiyaga cya Sake.
Uyu muganda usa n’udasanzwe kubera ubwitabire bwawo bushimishije, bwaba ubw’Inzego nkuru z’Igihugu ndetse n’abaturage, wabereye mu Murenge wa SAKE mu Kagari ka Rukoma, umudugudu wa Nyakariba; ukaba wahuriwemo n’abaturage benshi b’Utugari twa Gafunzo, na Rukoma muri Sake n’abandi baturutse mu kagari ka Rubago muri Rukumberi. Igikorwa cyakozwe kikaba ari ugukora isuku ku muhanda uzengurutse ikiyaga cya Sake ndetse no gusana uturaro tumwe na tumwe tw’uwo muhanda twari dushaje. Twibutseko uwo muhanda uzungurutse ikiyaga cya Sake wakozwe mu rwego rwo kurengera ibidukikije, harindwa inkengero z’icyo kiyaga kuko amasuri yashoboraga guturuka ku bikorwa by’abaturage akacyangiza. Uwo muhanda na none ukaba wakoreshwa mu buhahirane.
Uyu muganda wabaye na none umwanya wo gutangiza ku mugaragaro icyumweru cyahariwe kurengera ibidukikije gifite insangamatsiko igira iti “Dufatanye urugendo mu bufatanye bwongera ubudahangarwa ku mihindagurikire y’ibihe’’(“Join the race to increase resilience to climate change”).
Mu ijambo rye ry’ikaze umuyobozi w’akarere ka Ngoma, Bwana NAMBAJE Aphrodise, yashimiye abayobozi banyuranye baje kwifatanya n’abaturage b’Akarere ka Ngoma muri uwo muganda. Akaba yaranatanze ikiganiro kirebana n’insanganyamatsiko y’icyumweru cyahariwe ibidukikije.
Guverineri w’Intara y’iburasirazuba, Madame UWAMARIYA Odette nawe yaganirije abaturage abasaba ko ikiyaga baturiye bagomba kukibungabunga bakakibyaza umusaruro. Yibukije ko abashoramari bagura ubutaka bwegereye icyo kiyaga batagomba kubuhingamo imyaka gusa, ko ahubwo bagomba no kubushyiramo ibikorwa remezo.
Umushyitsi Mukuru muri uwo muganda, Visi Perezidante wa Sena, Senateri HARERIMANA Fatou, yashishikarije abaturage gushyira abana mu mashuri kandi bakabarinda ihohoterwa ribakorerwa iryo ariryo ryose. Yabibukije ko ibihano biteganyijwe ku muturage uzagaragaraho ko yakuye umwana mu ishuri. Yabwiye abaturage kandi ko bagomba kuboneza imirire, bakaboneza n’urubyaro, bakirinda icyorezo cya marariya ndetse bakagira n’ubwisungane mu kwivuza.
By SIBOMANA Jean Bosco
PRMCO/NGOMA
Back
Uyu muganda usa n’udasanzwe kubera ubwitabire bwawo bushimishije, bwaba ubw’Inzego nkuru z’Igihugu ndetse n’abaturage, wabereye mu Murenge wa SAKE mu Kagari ka Rukoma, umudugudu wa Nyakariba; ukaba wahuriwemo n’abaturage benshi b’Utugari twa Gafunzo, na Rukoma muri Sake n’abandi baturutse mu kagari ka Rubago muri Rukumberi. Igikorwa cyakozwe kikaba ari ugukora isuku ku muhanda uzengurutse ikiyaga cya Sake ndetse no gusana uturaro tumwe na tumwe tw’uwo muhanda twari dushaje. Twibutseko uwo muhanda uzungurutse ikiyaga cya Sake wakozwe mu rwego rwo kurengera ibidukikije, harindwa inkengero z’icyo kiyaga kuko amasuri yashoboraga guturuka ku bikorwa by’abaturage akacyangiza. Uwo muhanda na none ukaba wakoreshwa mu buhahirane.
Uyu muganda wabaye na none umwanya wo gutangiza ku mugaragaro icyumweru cyahariwe kurengera ibidukikije gifite insangamatsiko igira iti “Dufatanye urugendo mu bufatanye bwongera ubudahangarwa ku mihindagurikire y’ibihe’’(“Join the race to increase resilience to climate change”).
Mu ijambo rye ry’ikaze umuyobozi w’akarere ka Ngoma, Bwana NAMBAJE Aphrodise, yashimiye abayobozi banyuranye baje kwifatanya n’abaturage b’Akarere ka Ngoma muri uwo muganda. Akaba yaranatanze ikiganiro kirebana n’insanganyamatsiko y’icyumweru cyahariwe ibidukikije.
Guverineri w’Intara y’iburasirazuba, Madame UWAMARIYA Odette nawe yaganirije abaturage abasaba ko ikiyaga baturiye bagomba kukibungabunga bakakibyaza umusaruro. Yibukije ko abashoramari bagura ubutaka bwegereye icyo kiyaga batagomba kubuhingamo imyaka gusa, ko ahubwo bagomba no kubushyiramo ibikorwa remezo.
Umushyitsi Mukuru muri uwo muganda, Visi Perezidante wa Sena, Senateri HARERIMANA Fatou, yashishikarije abaturage gushyira abana mu mashuri kandi bakabarinda ihohoterwa ribakorerwa iryo ariryo ryose. Yabibukije ko ibihano biteganyijwe ku muturage uzagaragaraho ko yakuye umwana mu ishuri. Yabwiye abaturage kandi ko bagomba kuboneza imirire, bakaboneza n’urubyaro, bakirinda icyorezo cya marariya ndetse bakagira n’ubwisungane mu kwivuza.
By SIBOMANA Jean Bosco
PRMCO/NGOMA