Kuri uyu wa gatanu, tariki 28/06/2019, Inama Njyanama y’Akarere ka Ngoma yateranye mu nama yayo isanzwe isoza umwaka wa 2018-2019. Iyi  nama yayobowe na  Visi Perezida Dr. KANOBANA Mathusalem yitabiriwe kandi n'intumwa ya Minisiteri y’Imari n’Igenamigambi, Madamazela DUSENGE Evelyne.

Ingingo z’ingenzi zasuzumwe ni:

-          Kugaragariza imikoreshereze y'Ingengo y'Imari y'umwaka urimo kurangira  wa 2018-2019;

-          Gusuzuma no kwemeza Ingengo y'Imari 2019-2020,

-          Gusuzuma no kwemeza gahunda y’amasoko 2019-2020;

-          Gusuzuma no kwemeza ibiciro n'ibipimo by'imisoro n'amahoro n'urutonde rw'abasora.

Nyuma y'uko Umugenga w'Ingengo y'Imari mu Karere ka Ngoma, Bwana KANAYOGE Alex, agejeje ku Nama Njyanama imikoreshereze y'Ingengo y'Imari 2018-2019,  ndetse n'Ingengo y'Imari 2019-2020, iteganyijwe, habayeho kugungurana ibitekerezo no gutora ingengo y'imari n'izindi nyandiko ziyiherekeje. Ingengo y'Imari y'Akarere ka Ngoma 2019-2020 yatowe ingana n'amafaranga y'u Rwanda 18,193,862,232 ni ukuvuga asaga miliyari 18. Bikaba bigaragara ko iyi ngengo yiyongereyeho 7.6% ugereranyije n'ingengo y'imari y'umwaka urimo gusozwa wa 2018-2019. Intumwa ya Minisiteri y’Imari n’Igenamigambi, Madamazela DUSENGE Evelyne, yashimye Akarere ka Ngoma ku mikoreshereze myiza y’ingengo y’imari no ku myinjirize y’imisoro n’amahoro ubona ifite icyerekezo cyiza kuko igenda izamuka.

By SIBOMANA Jean Bosco
PRMCO/Ngoma