Nyuma yuko Akarere ka Ngoma gahawe uburenganzira bwo gutegura siporo rusange None  kucyumweru  taliki ya 12/12/2021  mu mirenge yose igize Akarere abaturage bazindukiye muri Siporo rusange ku rwego rw'Akarere ka Ngoma iki gikorwa cyabereye mu murenge wa Kibungo kuri stade Ngoma aho umuyobozi w'Akarere Madamu NIYONAGIRA Nathalie ari kumwe n'abagize Komite Nyobozi, abagize inzego z'umutekano, abafatanyabikorwa b'Akarere, abanyamakuru bakorera mu karere ka Ngoma bifatanyije n'abaturage muri Siporo Rusange.

Nyuma yo gukora siporo izenguruka mu mugi wa Kibungo, abayitabiriye bahuriye kuri Stade ahatangiwe ibiganiro butandukanye byagarutse ku bukangurambaga bwo kurengera umwana Insanganyamatsiko: Turengere umwana none, Turengere ejo hazaza.

Ibindi biganiro byagarutswe birimo:

Madamu NIYONAGIRA Nathalie nyuma ya siporo mu gikorwa cyo kwipimisha indwara zitandura

Bwana MAPAMBANO NYIRIDANDI Cyriaque umuyobozi w'Akarere wungirije ushinzwe iterambere ry'ubukungu yatanze ubutumwa bwo kwirinda COVID19

SP James RUTAREMARA umuyobozi wa Polisi mu karere ka Ngoma  yasabye abitabiriye siporo rusange gutanga amakuru ku kintu cyose babona kibangamiye umutekano wabo aho batuye

➖ Umutekano mu karere ka Ngoma.

➖ Kurwanya ihohoterwa rikorerwa abana

➖ Kwirinda indwara zitandura hakorwa siporo

➖ Kwirinda COVID-19

Abaturage bitabiriye siporo rusange bagize amahirwe yo gusuzuma indwara zitandura kugirango bamenye uko bahagaze

Mu butumwa yatanze Madamu NIYONAGIRA Nathalie umuyobozi w'Akarere Ka Ngoma yashimiye abitabiriye siporo bose ariko abibutsa ko ari ngombwa gukomeza kuyikora hubahirizwa ingamba zose zo Kwirinda COVID-19.