Kuri uyu wa gatatu taliki 08/12/2021 mu murenge wa Rukira, Akagali ka Nyaruvumu Bwana MAPAMBANO N.cyriaque V/M ushinzwe iterambere ry'ubukungu ari kumwe na Madamu Agnes AYINKAMIYE umuyobozi wa RAB Station Ngoma Kayonza, Kirehe bifatanyije n'abaturage mu gikorwa cyo kuhira ibigoli kuri site ya Cyamahehe  ifite ha30.

Bwana MAPAMBANO NYIRIDANDI Cyraque Visi Meya ushinzwe iterambere ry'ubukungu ari kumwe na Agnes AYINKAMIYE umuyobozi wa RAB Station Ngoma bifatanyije n'abutarage mu gikorwa cyo kuhira imyaka.

Mu butumwa yageneye abaturage Bwana MAPAMBANO N.cyriaque umuyobozi w'Akarere wungirije ushinzwe iterambere ry'ubukungu yabasabye kudacika intege kuko ibigoli bisigaje ihihe gito ngo byere yongera ko ubuyobozi buzakomeza gufatanya nabo mu bikorwa byo kuhira, yaboneyeho gusaba ababyeyi ko buri mwana wese wataye ishuri akwiye  gusubizwa mu ishuri mu rwego rwo gukomeza gutegura neza ahazaza h'umwana, umuryango we ndetse n'igihugu muri rusange.

Bwana MAPAMBANO NYIRIDANDI Cyriaque umuyobozi w’Akarere wungirije ushinzwe iterambere ry’ubukungu yaboneyeho no gusaba abaturage kubyaza amahirwe igishanga bafite bakacyifashisha mu kuhira imyaka yabo yibukije abaturage gutekereza guhinga ibihingwa bishobora guhangana n'izuba kdi byerera igihe gito birimo ibijumba asaba ko ahashoboka hose hari ubutaka hakwiye guhingwa ndetse asaba abahinzi n' aborozi kujya bafata ubwishingizi bw'ibihingwa n'amatungo yabo.

Abaturage bishimiye igikorwa cyiza bafashijwemo n'ubuyobozi cyo kuhira imyaka yabo bavuga ko batazatezuka dore ko ibi bigoli biri hafi kwera.