Ku gicamunsi cyo kuri uyu wa Kane taliki 18.12.2025; Umuyobozi w’Akarere wungirije ushinzwe Imibereho Myiza Madamu MUKAYIRANGA Marie Gloriose yasuye ishuri rya G.S Kabare, aho yaganiriye n’abanyeshuri barimo gutozwa imikino itandukanye, igamije guteza imbere impano zabo no kubafasha gukura bafite ubuzima bwiza bwo mu mubiri no mu mutwe.

Muri uru ruzinduko, Visi Meya MUKAYIRANGA Marie Gloriose yishimiye uko abana bitabira imikino mu bwitange, agaragaza ko siporo n’imyidagaduro bifite uruhare runini mu burere bwuzuye bw’umwana, kuko bifasha kkumwigisha indangagaciro zirimo gukorera hamwe, kwihangana, kubaha amategeko n’abandi, no kwirinda imyitwarire mibi.

YaMu butumwa yagejeje ku bana barim gutozwa imikino yabasabye gukunda ishuri no gukoresha neza impano zabo, agira ati: “Imikino si ukwidagadura gusa, ni ishuri ribigisha kwitwara neza, gukorera hamwe no kwigirira icyizere. Nimwige mushyireho umwete, mwitabire siporo, mwubahe abarimu n’ababyeyi, kandi murinde imyitwarire ishobora kubatesha agaciro.”

Yakomeje asaba ubuyobozi bw’ishuri n’abarezi gukomeza gushyigikira gahunda za siporo n’imyidagaduro, hagamijwe kurera abana bafite impano, indangagaciro n’ubushobozi bwo kuzavamo abayobozi beza b’ejo hazaza.

Muri G.S Kabare hari gutorewza abana bagera ku ijana no mirongo inani barimo abahungu n’abakobwa batozwa imikino irimo Volleyball, basketball n’umupira w’amaguru.