Kuri uyu wa 28 Nyakanga 2025, ku cyicaro cy’Umurenge wa Kazo mu Karere ka Ngoma, habaye inama y’umutekano yateguwe hagamijwe gukomeza kuganira ku mutekano w’abaturage, iterambere ndetse n’imibereho myiza yabo.

Umuyobozi w’Akarere wungirije MAPAMBANO Cyriaque yasabye abayobozi bo mu mirenge ubufatanye mu guhangana n’ibibazo bishobora guhindura imibereho y’abaturage. Yagaragaje ko gukemura ibibazo by’umutekano n’imibereho myiza bisaba ubufatanye bw’inzego z’ibanze hamwe n’abaturage ubwabo. Yakomeje avuga ko inzego z’abayobozi zifite uruhare runini mu gushyigikira gahunda ziterambere ndetse no gukaza umutekano kugira ngo abaturage bazagire imibereho irambye.

Muri iyi nama hafashwe imyanzuro irimo:

• Gusigasira umutekano mu baturage, kurinda umutekano w’abanya-Kazo ndetse n’ibyabo.

• Guteza imbere imibereho n’ubukungu bw’abaturage binyujijwe mu bufatanye.

• Kuvugurura uburyo bwo gukemura ibibazo by’abaturage, ashingiye ku bufatanye mu nzego z’ibanze. 

MAPAMBANO yakomoje ku gusaba abayobozi gukomeza gushyira hamwe no gushyira mu bikorwa gahunda za Leta zigamije iterambere n’imibereho myiza y’abaturage. Yibukije ko ubufatanye hagati y’abayobozi n’abaturage ari bwo shingiro ryo kurandura burundu ibibazo bikibangamiye imibereho myiza y’abaturage.